Вохӯрии Раиси Палатаи савдо ва саноати Ҷумҳурии Тоҷикистон бо намояндагони Маркази байналмилалии тиҷоратӣ

   Санаи 31.01.2020 Раиси Палатаи савдо ва саноати Ҷумҳурии Тоҷикистон муҳтарам Ҷумъахонзода Ҷамшед Ҷурахон бо намояндагони Маркази байналмилалии тиҷоратӣ вохӯрӣ анҷом дод.

   Зимни вохӯрӣ ҷонибҳо масъалаҳои ишораҳои ҷуғрофӣ дар Ҷумҳурии Тоҷикистон ва соддагардонии расмиёти савдо суханронӣ намуданд. Намояндагони Маркази байналмилалии тиҷоратӣ баъд аз таҳлил ва омӯзиши вазъи низоми ишораҳои ҷуғрофӣ ва расмиёти савдои Ҷумҳурии Тоҷикистон барои рушд ва соддагардонидани низомҳои мазкур лоиҳаҳои худро пешкаш хоҳанд намуд.