36-умин намоишгоҳи байналмилалии «Агрокомплекс»

Чорабинии  мазкур  бо  дастгирии  Вазорати  кишоварзии  Федератсияи Россия  ва  ҳукумати  Бошқирдистон  ташкил  карда  шуда,  барои  муколамаи муассир байни ширкатҳои соҳавӣ, мақомоти давлатӣ ва ҷомеаи илмӣ мусоидат менамояд.  Тибқи маълумоти  ташкилкунандагон,  дар  намоишгоҳ  иштироки зиёда аз 380 ширкати пешқадами соҳаи кишоварзӣ аз минтақаҳои гуногун ва кишварҳои  хориҷӣ  дар  назар  аст.  Дар доираи чорабинӣ  масъалаҳои  рушди инноватсияҳои     рақамӣ,     биотехнология,     инчунин,     намоиши     техникаи кишоварзӣ,  маҳсулоти  чорводорӣ  ва  растанипарварӣ  мавриди  баррасӣ  ва муаррифӣ қарор мегиранд.

Чорабинии марказӣ ҷаласаи пленарии "Сармоягузорӣ дар бахши кишоварзӣ: гузашта, ҳозира, оянда" хоҳад буд. Инчунин 25 чорабинии соҳавӣ барои мутахассисон баргузор мешаванд.

Мавзӯъҳои асосӣ:

 Навовариҳои рақамӣ ва зеҳни сунъӣ барои бахши кишоварзии Русия;

 Мошинҳои кишоварзии Русия;

 Рушди генетика ва биотехнология дар истеҳсоли зироат;

 Рушди селексия ва истеҳсоли тухмии ватанӣ;

 Генетикаи чорвои ширӣ ва гӯштӣ;

 Рушди доруҳои байторӣ;

 Истифодаи дронҳои кишоварзӣ дар бахши кишоварзӣ;

 Моделҳои муваффақи ҳамгироии маориф ва тиҷорат дар омӯзиши кадрҳо